Centro de Formación Ocupacional (CFO)

O C.F.O. ofrece:

1. Cursos de formación ocupacional, principalmente do Plan FIP, que son subvencionados pola Consellería de Familia e Promoción do Emprego, Muller e Xuventude e dirixidos a desempregados, aínda que tamén se organizan outros cursos e xornadas para tódolos públicos.

   Este centro ten homologadas as seguintes especialidades formativas, para impartir cursos do Plan FIP:

   • Cociñeiro
   • Carpinteiro
   • Camareiro
   • Maquinista de confección industrial
   • Ofimática
   • Xardineiro

   Estas especialidades impártense en dous centros: un centro de hostelería, que se ubica na parroquia de Vilarrodis, donde se imparten os cursos de cociñeiro e camareiro, e outro centro en Oseiro, na Urbanización Sol y Mar, donde se imparten os demáis cursos.

   Para este ano 2002, solicitáronse os seguintes cursos (saíran aprobados a primeiros de marzo):

   • 1 de cociñeiro
   • 1 de camareiro
   • 2 de ofimática
   • 3 de maquinista de confección industrial
2. Servicio Galego de Colocación. Desde que se implantou o Servicio Galego de Colocación, no ano 1997, formamos parte da rede de centros asociados a este servicio, para as seguintes tarefas:
   • Información
   • Captación e tratamento das ofertas de traballo
   • Tratamento das demandas de emprego

O tratamento das ofertas implica a mecanización, seguimento e peche das mesmas.

Demandas: realízaselle unha entrevista persoal ó demandante de emprego para cubri-lo impreso do currículum vitae. Unha vez codificado, introdúcese no programa informático, pasando a formar parte da base de datos do S.G.C. O demandante de emprego pode solicitar orientación laboral.

Modificacións do currículum, que o demandante pode solicitar en calquer momento.