Bases

Normas de participación nos xogos tradicionais

Zancos

• Carreira nunha pista de 15 m, con ida e volta ata completar 30 m.
• 4 participantes por carreira.
• Cada caída penalizarase con un retroceso de 3 pasos.
• Realizaránse tantas eliminatorias como sexa necesario ata completar unha final de 4 membros. Só pasará en cada eliminatoria o gañador.

Birlos (bolos)

• Os birlos e demáis pezas puntuables colocaránse no chan, a 15 metros da zona de lanzamento, segundo este gráfico.

• A puntuación de cada peza é a seguinte:
• bolo: 1 punto
• virolla: 10 puntos
• a cega: 20 puntos
• O lanzamento da bola será en velocidade, debe ser polo aire, nunca tocando o chan, para caer dentro do cuadrado que limita a zona de puntuación. Cando a bola cae dentro do cuadrado e tira polo menos un birlo, comézase a sumar os puntos. Se a bola cae fóra do cadro, non se suma punto ningún. Non se pode tirar directamente á virolla nin á cega.

Bocois (barriles de viño)

• Nunha pista de 15 m, carreira de 30 m (ida e volta), facendo rodar o bocoi de xeito vertical.
• 4 participantes por carreira
• Realizaránse tantas eliminatorias como sexa necesario ata completar unha final de 4 membros.

Billarda

• Golpéase un pau pequeno coas esquinas aguzadas (ou en desequilibro) cunha vara ou pau maior, para levantalo do chan. Xa no aire golpéase unha vez coa intención de mandalo o máis lexos posible.
• O concurso organízase en sistema de liga, con tres lanzamentos individuais para cada participante.
• A distancia recorrida pola peza de madeira contarase cando pare de moverse, non cando caia ó chan.
• En caso de empate, teránse en conta a distancia media mayor conseguida nos 6 lanzamentos.
• As distancias contaranse en línea recta dende o punto de lanzamento.
• Se o competidor falla tres veces (non lle da á billarda) queda eliminado.

Turre de maroma (tiro da corda)

• Competición por equipos de 5 persoas (aínda que oficialmente é de 8)
• O tiro deberá ser mantido e non se admitirán o tiro a golpes, nin movementos de vaivén, polo que o espacio para moverse estará limitado a un ancho de tres metros
• Partidas eliminatorias a 3 turres cun minuto de descanso entre cada un. Gaña o equipo que gañe 2 de 3 turres.
• Emparellamentos iniciais a sorteo

Carreira de senllas (sellas ou cerradas)

• Carreira nunha pista de 15 m, con ida e volta ata completar 30 m, levando na cabeza a senlla. Non se poderá tocar.
• 4 participantes por carreira (invitación expresa ás mulleres da zona)
• Cada caída ou toque é senlla penalizarase con un retroceso de 3 pasos.
• Realizaránse tantas eliminatorias como sexa necesario ata completar unha final de 4 membros. Só pasará en cada eliminatoria o gañador.

Corda sobre o río

• Maiores de 16 anos: sábado 16 de outubro a partires das 17.00 h
• Menores de 16 anos: domingo 17 de outubro a partires das 11.30 h
• Nas dúas especialidades montaranse os sistemas de seguridade oportunos.

A organización resérvase o dereito de modificar e interpretalas normas destes xogos sempre e cando fóra necesario para o bó desenvolvemento do xogo.

Carrilanas

A carreira disputarase en dúas modalidades; unha proba para carrilanas tradicionais (de madeira), e outra na que participen carrilanas de modelo libre.

Modelo tradicional ( de madeira )

O chasis , eixos e rodas, serán de madeira. Non se permiten casquillos, rodamentos nin similares entre a roda e o eixo, permitíndose calquera tipo de engraxe. As pezas que sexan móviles deben de ser de madeira. Deberá xirar madeira contra madeira, as rodas non poden ir provistas con ningún tipo de cámara de aire, aínda que sí poderán recubrirse con gomas cravadas ou pegadas para facer máis segura a baixada. O sistema de freada é libre, por razóns de seguridade recomendamos que o fagades o máis sinxelo e seguro posible. É importante que as carrilanas presenten unhas mínimas garantías de seguridade, de non ser así poderán ser excluídas da carreira por parte da organización.

• Medidas:
  • a)Lonxitude máxima 3,5 metros
  • b)Ancho máximo de 1,75 metros
  • c)Diámetro de roda máximo de 50 centímetros

Modelo libre:

Nesta categoría tomarán parte todas aquelas carrilanas que estén feitas con calquera tipo de materiais, combinados de calquera maneira.

En calquera das dúas modalidades é obrigatorio o uso do casco, accesorio imprescindible para participar.

En ambas modalidades, as carrilanas non deben ter ningún medio de propulsión que non sexa a súa propia inercia, ou a axuda dos pilotos.

CARREIRA

• Realizarase unha primeira quenda de toma de tempos entre os participantes, que sairán nunha orde de saída a criterio da organización.
• A segunda quenda realizarase en grupos , segundo os tempos acadados na primeira. Esta segunda serie é a que decidirá os postos da clasificación final.
• Nesta segunda quenda non coincidirán ó mesmo tempo carrilanas tradicionais e de modelo libre
• As carrilanas poden ser inspeccionadas antes, durante ou desopois da proba, a estimación da propia organización. Podéndose desmonta-las rodas para comproba-los eixos ou o material.
• Non se permiten comportamentos antideportivos por parte dos participantes, o que será motivo automático de descalificación.
• Débense presentar os pilotos inscritos previamente e non outros, debendo estes presentar o DNI no caso de que lles sexa requerido por parte da organización, para comproba-la idade.
• Non pode participar ninguna carrilana que non esté previamente inscrita.
• A organización resérvase o dereito de modificar este regulamento se o estimase oportuno.

Pola nosa parte vos teremos informados de calquera novidade que poida surxir.