Actualmente, o Concello de Arteixo dispón de 5 puntos de lectura, a Biblioteca Central, a Axencia de lectura de Oseiro, a de Meicende, a do Froxel e a Axencia de lectura de Pastoriza.
A Biblioteca Central está situada no Centro Cívico-Cultural no paseo fluvial e consta de 3 salas e un depósito de libros. A sala xeral contén as seccións de Galicia, Xuvenil, Fondo local, Libros en idiomas estranxeiros, Fondo xeral e Publicacións periódicas.
A sección de Galicia dispón dos libros de adultos escritos en galego ou que falan sobre Galicia; a sección Xuvenil, aqueles libros escritos en idiomas exteriores a España. O Fondo local dispón de libros referentes a Arteixo ou escritos por autores arteixáns, ademais de recortes de prensa sobre o Concello desde 1989; en publicacións periódicas dispoñemos de 60 revistas de todo tipo, 5 xornais e 1 semanal de formato xornal. A sala xeral dispón de 40 postos de lectura. Tamén atopamos os libros de Cómic infantil, xuvenil e galego.
A sala Infantil consta dos libros de entre 0 e 13 anos dispostos por tres grupos de idades: I-1: de 0 até 7 anos; I-2: de 8 a 10 anos; I-3: de 11 a 13, outra diferenciación nesta clasificación infantil é a separación dos libros de contos en galego dentro de cada grupo de idade. Ademais, nesta sala atopamos os libros de consulta para as mesmas idades. Esta sala dispón de 22 postos de lectura.
A sala de Audiovisuais dispón de catro ordenadores para uso do público, dous equipos de video-tv e dous de música tamén para uso público mediante auriculares para non molestar ao resto de usuarios. Esta sala dispón de 8 postos de usuarios.
Nesta sala de Audiovisuais dispoñemos de videos, DVD's, CD's e CD-ROM's, tanto para a utilización na propia biblioteca como para o préstamo a domicilio.
Calquera persoa se pode facer socio/a da biblioteca municipal. Actualmente o número de socios é de 5000 na Biblioteca Central e, en torno aos 5800 no total da rede municipal de bibliotecas. Cada socio ten dereito a utilizar todas as bibliotecas do Concello para o préstamo. O número total de documentos que se poden levar é de 3 libros e 2 audiovisuais, durante 14 días os libros e de 3 días os cedés, cederom e dvd con posibilidade de renovación. A renovación pódes facer por teléfono.
Actualmente a Biblioteca Central dispón de 19.500 libros, 700 CD's, 794 Videos, 700 DVD's e 360 CD-ROM's. No referente aos libros xa distinguimos as seccións máis arriba; no tocante ao fondo audiovisual, os videos están organizados coma os libros, así coma os CD-ROM's e, os CD's, dividímolos en 6 seccións : POP-ROCK, FOLK, JAZZ, CLÁSICA, MÚSICA LATINA e MÚSICA INFANTIL. Actualmente as bibliotecas xa non adquiren máis videos que están xa superados polos dvd's, nos últimos 5 anos non se incorporou ningún VHS.
O número de persoas usuarias diarios varía no inverno con respecto á época estival sendo unha media diaria de 90-100 no inverno e de 45-50 no verán. O número de préstamos está en torno aos 10.000 libros anuais e 6.500 audiovisuais.
Un vinte por cen destes libros son en galego e, a maioría, de narrativa.
A solicitude de equipos audiovisuais en sala está copada practicamente polo uso de ordenadores pois supón un oitenta por cen do total, o resto repártese entre equipos de video-tv e música.
O total dos fondos, tanto audiovisual como bibliográfico, está xa disposto ao público a través dun sistema dixital así como a tarxeta de préstamo para levar ao domicilio calquera documento da Biblioteca.
Os mesmos servizos pódense atopar nas axencias de lectura de Oseiro e Meicende que dispoñen de 20 postos de lectura e fondos blibliográficos sobre os 4.000 volumes e uns 500 socios/as cada unha delas.
