Marzo

O alcalde Manuel Pose, acompañado do Conselleiro de Educación, Celso Currás, inaugura o vindeiro sábado 22 de marzo, o novo pavillón polideportivo do Colexo Ponte dos Brozos.

Esta nova instalación, cuberta, apoiará a alta demanda de actividades que oferta o servicio municipal de deportes en todo o seu amplo programa deportivo. O centro, cunha superficie de 22x32 e de formigón pulido pintado, conta con graderíos, vestiarios e servicios adaptados a minusválidos; material deportivo 8dúas canastras de elevación eléctrica, cortina divisoria, dúas porterías de balonmán e fútbol sala), e instalación eléctrica con 21 puntos de luz adecuada para albergar calqueira tipo de competición oficial.

No novo pavillón o servicio municipal de deportes desenvolverá actividades de baloncesto, fútbol sala, voleivol, tenis e balomán ademáis de outras que se realicen puntualmente.

A instalación, na segunda fase financiada polo concello, supuxo un gasto para as arcas municipais de 136.254,57 €.

A inauguración terá lugar ás 13.00 h.

A Concellería de Medio Ambiente do Concello de Arteixo convoca o primeiro certame de fotografía ambiental no que poderá participar calquera persona que o desexe.

O obxectivo deste novo premio é ilustra-la realidade do medio ambiente local. Por eso todos os traballos presentados, tres por persona como máximo, deberán de facer alusión a calquera dos aspectos do medio ambiente de Arteixo.

A fotografía presentada terá un tamaño mínimo de 20x25 cm e máximo de 30x40cm. Poden ser a cor ou en branco e negro e non se admitirán instantáneas tomadas con cámara dixital nin manipuladas dixitalmente.

Todas as fotografías formarán parte dunha exposición que albergará o Centro Cívico e cultural os días 23,24 e 25 de abril.

O prazo para entregar estes traballos remata o próximo 16 de abril e hai que as entregar no Departamento de Medio Ambiente do Concello ou ben por correo á seguinte dirección:

"Concurso de fotografía ambiental", departamento de medio ambiente; praza Alcalde Ramón Dopico,1; 15142 de Arteixo.

Se entregarán en sobre pechado con lema ou título e se adxuntará unha fotocopia do DNI; teléfono de contacto;data e lugar do concello onde foi tomada a fotografía, breve descripción da mesma e negativo.

O certame establece tres premios. O primeiro de cincocentos euros para material fotográfico; o segundo unha estancia en casa rural e o terceiro a ampliación e enmarcado da obra presentada.

Arteixo é o lugar escollido pola fundación de estudios políticos e sociais e o colexo de arquitectos para desenvolver unhas xornadas que os vindeiros días 27 e 28 de marzo analizarán a situación do urbanismo en galicia e a nova lei do suelo recientemente aprobada pola xunta de galicia. O seminario pretende según o decano do colexo de arquitectos de A Coruña, Alberto Unsaín, "non só servir ós técnicos , si non que ten a intención de achegar ó urbanismo ós viciños".

O alcalde Manuel Pose anima ós viciños a acudir a estas xornadas porque poden resultar útiles á hora de reclamar.

O Concello ven de solicitar á cunta de galicia a declaración de os areais de barrañán, Combouzas, Reiro, Valcovo, Hucha e a Salsa como aptas para o baño. De cara o verán e con carácter provisional esta mesma solicitude se fai para as praias de Alba, e Porto e Area Grande en Suevos. A provisionalidade responde , segundo o alcalde, ás precaucións que require o acondicionamento destes últimos areais propensos á contaminación por mor dos verquidos que aínda se rexistran procedentes do emisario de Bens.

A comisión de goberno, ademáis deste asunto, ocupouse tamén de aprobar un requerimento á empresa Norte Forestal para que arranxe os desperfectos causados polos seus traballo no camiño de medoi no lugar de o foxo en loureda. Di o alcalde que ordenanza que establece a reparación destes danos aplícarase en este e en outros casos sen miramentos.

A comisión deu ademáis o visto bo á declaración de urxencia da obra da área recreativa de meirás en meicende que se executará cun presuposto de 131.564 €.

Por unanimidade os grupos da corporación, en sesión extraordinaria, apoian o proxecto para a mellora e ampliación das estacións de bombeo e saneamento en Arteixo, Bens e sabón. Trátase dun programa que se executará en 10 meses e con un coste superior ós dous millóns de euros servirá, segundo a xunta de galicia, subsanar as deficiencias actuais e garanti-lo correcto funcionamento da rede.

Para o grupo municipal do BNG se trata dunha boa noticia que tería que ter chegado moito antes.

Para Frutos Martínez tamén se trata dunha boa noticia aínda que advirte o socialista a necesidade de ampliar a rede de alcantarillado nos núcelos rurais.

Esta proposta socialista ten a súa resposta na voz do alcalde Manuel Pose que lembra que coa posta en funcionamento destas novas estacións entrarán en funcionamento as de Chamín e Barrañán.

O pleno tamén decidiu por unanimidade trasladar o pleno ordinario deste mes de marzo para o mércores día 26 debido ás xornadas que sobre urbanismo acollerá os días 27 e 28 o centro cívico

A consellería de agricultura se encargará en próximas semanas de asfalta-la nova carretera que discurre entre Suevos e Rañobre e que ese propio ente autonómico se encargara de abrir. Manuel Pose indica que o asfaltado non se puido realizar antes debido ó estado do firme. Asegura o alcalde que o morrillo co que conta agora a carretera era só a primeira fase das actuacións previstas. Adianta ademáis o alcalde que os traballos de asfaltado da carretera servirán tamén para pavimentar todo o núcleo de Rañobre.

As previsións din que os traballos comezarán o vindeiro mes de abril.

Neste mesmo capítulo de pavimentacións, e con cargo ó Plan Provincial de Cooperación, a comisión de goberno ven de aprobar varias obras en Loureda, Piñeiro, Suso-Cepo, Baer, Galo, Pedra e Fraga, Rúa e Cancelo. Nese mesmo plan inclúese o saneamento da zona dos Olmos.

A Concelleira de servicios sociais Rosario Figueiras presenta mañá en rolda de prensa os actos programados polo concello de Arteixo con motivo do día da muller que se celebra o 8 de marzo próximo.

O acto servirá para dar a coñecer o primeiro certame de poesía Dora Vázquez que nace con motivo do día da muller. Dora Vázquez, que agora ten noventa anos, foi mestra na parroquia de Larín e é coñecida en Arteixo polos seus escritos e poemas.

A comparecencia diante dos medios de comunicación contará coa presencia de Carmen Muñiz, viciña de Arteixo de 55 anos, ex alumna de Dora Vázquez.

A presentación, mañá venres 7 de marzo, comezará ás 12.00 h na alcaldía da Casa Consistorial.

214 árbores, un por cada neno nacido en 2002, servirán para conmemorar o vindeiro 22 de marzo o día mundial da árbore. O departamento de medio ambiente acompañará a pais e nenos o vindeiro día 22 a Monticaño para plantar distintas especies autóctonas, carballos, abetos e outros, que lucirán, nunha placa, os nomes de tódolos nenos nacidos en arteixo o pasado ano. Manuel Pose indica que o obxectivo desta iniciativa é promove-lo respeto ó medio ambiente desde idades tempranas e implica-los nenos no seu coidado e desenvolvemento dun xeito directo

Ë esta unha das actividades do concello adicadas á conmemoración do día da árbore que se celebra o sete de marzo. Nesta xornada os escolares do municipio tamén levarán a cabo unha plantación de especies autóctonas en distintos puntos do concello. Os estudiantes de Pastoriza e Galán estarán en O Monticaño mentres que os de Arteixo realizarán a plantación no viveiro municipal.

Monticaño, ademáis desta nova plantación, contará de cara o verán con novos edificios e acondicionamento que darán por rematada a segunda escola taller. O alcalde di que, pese a todo, os traballos poderían continuar cada ano, engadindo máis mobliario, plantacións ou ampliación dos museos. En calqueira caso, di Pose, eses novos traballos non podería os realizar unha nova escola taller.

A biblioteca de Arteixo alcanzou no pasado ano os 22.467 usuarios o que supón un incremento do 20% con respecto ó exercicio anterior. Son cifras que se desprenden da memoria deste departamento durante o pasado ano e que reflexa, ademáis, o notable aumento experimentado polos préstamos de material audiovisual que alcanzaron naquel período os 4.445 exemplares.

O número de socios das axencias de lectura é de 3598 dos que 440 solicitaron a alta en 2002. Durante o pasado exercicio o fondo bibliográfico municipal aumentou en 910 volúmenes o que deixa o fondo actual en 17.087 libros ós que habería que sumar 756 vídeos, 446 Cd's; 266 CdRom e 130 DVD.

Por idades a maior porcentaxe de usuarios, entre as axencias de Oseiro, Meicende e Arteixo, a representan os maiores de catorce anos, 17.611 personas.

En 2002 a biblioteca realizou 16.556 préstamos. Neste apartado destaca un incremento do 60% nos préstamos de material audiovisual que alcanzaron os 4455; e un 10% en préstamos de libros que supuxeron 9.104.

Harry Potter, en cada unha das catro aventuras publicadas sobre este personaxe, segue a se-la estrella para os usuarios da biblioteca aínda que cabe destacar o importante aumento que experimentou en 2002 a demanda de cómics sobre todo de Mortadelo y Filemón.

En literatura galega o máis solicitado segue a ser Manolo Rivas e a obra "As chamadas perdidas". Neste apartado destaca ademáis o título "Trece anos de Branca" de Agustín Fernández Paz. En literatura para adultos destacan as solicitudes dos libros de Isabel Allende, en especial "La hija de la fortuna".

A memoria da biblioteca recolle tamén a participación de cincocentos nenos , entre tres e seis anos, nas visitas organizadas ás axencias de lectura con motivo das distintas campañas de animación á lectura desenvolvidas ó longo do ano. Destaca ademáis a participación de preto de mil escolares nas distintas actividades de contacontos e a exposición "El mundo en tus manos" que , entre o 8 e o 25 de novembro pasados, recibiu a visita de máis de 500 alumnos dos colexos de Meicende, Pastoriza e Manuel Murguía.