Agosto

Tiro con arco, tai chi, recuperación funcional, patinaxe, voleibol, surf ou equitación son só algunhas das actividades que oferta o Servicio Municipal de Deportes para o próximo curso 2003-2004. Son dezaséis disciplinas que se desenvolverán en centros acondicionados durante oito meses en Arteixo, Meicende, Uxes, Pastoriza, Suevos, Vilarrodís, Oseiro e Larín.

Ademáis das mencionadas, os viciños de Arteixo poderán practicar fútbol, baloncesto, tenis, judo, ciclismo, aerobic, ximnasia de mantemento, preparación física individualizada, ximnasia de terceira idade, ou golf.

As actividades se impartirán dous ou tres días por semana e o seu custo, polos oito meses de práctica, oscila entre os 75 . que pagarán os adultos por recuperación funcional, e os 10 . que pagarán os inscritos en escolas de terceira idade.

O prazo de renovación de prazas do pasado ano ábrese o 1 de setembro próximo e se prolongará ata o día 15 de setembro. As novas inscricións se formalizarán entre o 16 e o 26 de setembro próximos. En ambos casos os interesados deben de acudir ó servicio municipal de deportes ou chamar ó teléfono 981.60.00.09 Ext.- 204.

A Concellería de Cultura, cumplindo o seu compromiso de ofertar actividades tódolos días do ano, organiza para setembro próximo un ciclo de teatro e música dirixido especialmente ós máis cativos.

Tódolos venres do próximo mes a partir das oito e media e con entrada grautita, o Auditorio de Centro Cívico acollerá representacións musicais e teatrais das mellores compañías galegas adicadas ós máis pequenos.

Berrobambán Teatro serán os primeiros protagonistas deste festival o venres 5 de setembro coa representación do musical .Dous contos sen final e un final por fin.. Lle seguirán Migallas Teatro e o espectáculo .¡Canta connosco¡.; Os Quinquilláns e a obra .O circo das máscaras.. Pechará este ciclo o grupo asturiano Factoría Norte e a representación da obra .El espectáculo debe continuar..

A concellería de cultura ultima os preparativos do que será unha das citas musicais máis importantes do ano. Co folk como referencia este departamento municipal programa para os próximos 22,23 e 24 de agosto tres actuacións protagonizadas por tres dos mellores representantes da música popular actual: Xacarandaina, os Cempés e Xosé Manuel Budiño.

As actuacións nacen merced ó apoio do programa da Xunta de Galicia .O Son da Vila. que traerá a Arteixo as actuacións de Xacarandaina e Os cempés. Caixa Galicia e o programa .as nosas músicas., permiten a actuación de Budiño que pecharà o festival.

A iniciativa é unha mostra máis da Concellería de Cultura na súa aposta por ofrecer actividades ó longo de todo o ano e por impulsar as tendencias máis relacionadas coa nosa comunidade autónoma. Hai que lembrar que Arteixo organiza cada ano un festival de música tradicional na Área Recreativa do Seixedo, ademáis de outras iniciativas vinculadas ás raíces da cultura galega.

Tódalas actuacións se desenvolverán nun espacio acondicionado para a ocasión na explanada situada a carón do pabillón polideportivo e serán de carácter gratuito. A Concellería de cultura invitou a grupos locais a compartir escenario con cada un dos protagonistas deste festival.

Infraestructura básica e deportes para todos. Dous pilares obre os que xirou o último pleno de verán que onte celebrou a corporación municipal. Poucos puntos na orde do día e moitas mocións e preguntas que tamén tiveron a súa resposta.

Primeiro acordo. Por unanimidade o pleno decide apoiar dúas mocións do BNG referentes a eso da infraestructura básica. Os nacionalistas piden que o Concello se comprometa a acometer,canto antes, a rede de pluviais en Suevos. Queren ademáis que se executen beirarrúas entre a Rega e o cruce coa estrada de Rañobre, que se complete a rede de saneamento e que se recuperen os lavadoiros de Pazo e Salgueiros, todo esto en Suevos. En Loureda, solicita outra moción nacionalista, executar beirarrúas en O Foxo para garanti-la seguridade dos viandantes.

Ambas mocións entran a debate e a lóxica, di o PP, leva a as apoiar. Juan Rey, voceiro popular fai a súa lectura do proposto e compromete ó seu grupo de goberno a as levar adiante. Algunhas de xeito inmediato, outras a medio prazo. Facer todo este ano, di Rey, sería imposible e aproveita para criticar a postura nacionalista ó presentar mocións que son, segundo Juan Rey, un aceno de cara á galería.

Fina Vázquez agradece ó apoio ás súas propostas que tamén contan co visto bo do Psoe. Respecto dos prazos dados polo partido popular para a execución destes traballos, a nacionalista saca as súas conclusións: o concello non ten cartos como di e non sabe os administrar.

O tema dos presupostos estivo presente en varios puntos ó longo da sesión plenaria. Fina Vázquez insiste en que o concello hipoteca o seu futuro. O dixo tamén cando a sesión debatiu o traslado das aportacións do concello, dun exercicio económico a outro, para a execución da nova área deportiva do centro de arteixo. Ademáis do asunto económico a voceira nacionalista centrou o seu discurso no que considera falta de atención do grupo de goberno ós deportes minoritarios e á infraestructura deportiva en tódolos núcleos.

Juan Rey tira deste mesmo argumento e saca listado de deportes que se propoñen dende o municipio: surf, tiro con arco ou skate lle serven para rebatir o argumento do BNG. Para a infraestrucutura deportiva tamén utiliza o listado. Faltan moitas cousas pero afirma Rey, o concello está mellor dotado agora que hai catro anos.

O traslado de aportacións que era realmente o punto a debatir o rescatou do olvido a voceira do Psoe. Pilar Souto apoiará este punto pero incide no convenio que servirá para executar esa nova zona deportiva. Si á hora de contratar as obras existe unha baixa no precio inicial, porqué os cartos sobrantes só recaen na deputación provincial.

A resposta chega dende a presidencia do pleno. Manuel Pose recoñece que o convenio contempla este extremo pero afirma, por experiencia, que non se cumple nunca e insta ós socialistas que gobernarán a deputación provincial os próximos 4 anos, a seguir na mesma tónica.

Polo demáis o pleno deixounos o apoio unánime da corporación para que sexa a deputación provincial a que xestione o que recaude o concello por multas de tráfico.

A sesión morre con tres mociòns do PP. A primeira , con apoio unánime serve para poñer en marcha o obradoiro de emprego do ano próximo. A segunda, tamén con apoio unánime permitirá incluir novos terrenos e inmobles no inventario de bens municipais. Por último outra moción, con abstencións de PSOE e BNG servirá para impugnar un novo acordo da xunta respecto da construcción do parque eólico municipal. O concello xa impugnara a intención inicial do goberno autonómico hai meses e a resposta, recibida a semana pasada, tampouco convence ó grupo de goberno. A oposición se abstén porque, aseguran, tiveron pouco tempo para estudiar a proposta da xunta e a reclamación municipal.