Maio

O alcalde de Arteixo, Manuel Pose Miñones, presenta o xoves 30 de maio, os actos programados pola Concellería de Cultura con motivo da entrega do XI certame de narracións breves Manuel Murguía.

O encontro cos medios de comunicación terá lugar o xoves 30 de maio as 12.30 h na alcaldía da casa consistorial. Acompañará ó alcalde o coordenador deste certame literario Enrique Rabuñal e a responsable de cultura Sonia Iglesias.

A entrega do XI premio de narrativa servirá ademáis para poñe-lo punto e final ás celebracións do X aniversario do mesmo e a presentación do libro "Paisaxes con Palabras" que recolle textos inéditos de tódolos gañadores deste certame nos seus dez primeiros anos de vida. Haberá ademáis unha homenaxe o escritor Carlos Casares recentemente falecido.

A Concellería de Cultura, a través da Biblioteca municipal, aprenderá ós usuarios das axencias de lectura o uso dos ficheiros dixitais recentemente implantados na biblioteca central.

Trátase de varias charlas, para un máximo de catro personas por grupo, nas que os usuarios aprenderán o manexo de arquivos a través do ordenador, clasificación dos volumes, cómo atopar información e nocións de navegación en internet sobre recuperación de documentación e acceso ós catálogos de bibliotecas públicas.

Os interesados poden apuntarse ata o día trece de xuño. As prácticas levaranse a cabo, unha hora por sesión, ata a primeira semana de xullo en horario de mañá.

Por outra banda a biblioteca organiza para esta semana "encontros con escritores", unha iniciativa que pretende achegar a creación literaria, a ilustración e os medios de comunicación ós viciños.

Xosé Cobas e Xosé Durán estarán na Biblioteca central mañá día 28 e o mércores 29. Xavier López visita a Axencia de lectura de Meicende.

O Concello de Arteixo organiza o vindeiro día 1 de xuño o primeiro día do deporte na rúa, unha cita que pretende se converter en tradición para achegar a práctica deportiva ós cidadáns e fomenta-la convivencia.

A iniciativa permitirá os arteixáns e visitantes participar en dez disciplinas deportivas e xogos. Baloncesto, patinase, xadrez, escalada ou kayak son algunhas das actividades propostas que se completarán con talleres e exhibicións.

O programa completo se presentará o vindeiro MARTES 28 DE MAIO en ROLDA DE PRENSA. O alcalde Manuel Pose Miñones e os responsables da concellería de deportes serán os encargados de o presentar. Será a partir das doce do mediodía na ALCALDÍA do concello.

O Concello, co obxectivo de optimiza-los seus recursos e achegar os seus servicios ós viciños, decide tralada-las dependencias da Oficina de Información Xuvenil, actualmente no edificio de servicios sociais, ó edificio de servicios múltiples.

A "mudanza" rematará esta mesma semana e será a partir do día 27 de maio cando comece a funcionar este departamento na súa nova ubicación. A proximidade á Radio Municipal e ó departamento de deportes, dependencias municipais frecuentadas por xóvenes, propiciaron este traslado.

A OIX ocupará as dependencias que ata o de agora ocupaba no terceiro andar de Servicios Múltiples a Concellería de Educación que, tamén o vindeiro día 27 comezará a atender ós viciños no Edificio de Servicios Sociais, un lugar máis adecuado ás súas necesidades debido, en parte, á súa proximidade á zona escolar.

Os cambios afectarán tamén á concellería de deportes que, merced o traslado, ampliará o seu espacio no edificio de servicios múltiples.

A Escola Infantil Municipal de Arteixo recibe o vindeiro mércores, quince de maio, a visita de un grupo de estudiantes franceses que acoden a se interesar polo modelo de xestión e organización do centro municipal. Os estudiantes proceden do Centro L'herbergement, en Vendee na rexión de La Loire, onde cursan servicios á comunidade.

O atractivo deseño das instalacións así como o proxecto educativo da escola municipal fan que este tipo de visitas sexan cada vez máis habituais. Directivos e representantes doutros concellos acudiron dende a súa posta en marcha a coñecer in situ o modelo de xestión. A escola infantil é ademais sede de cursos para profesionais do medio.

Os estudiantes chegarán á escola ás 10.00 h.

Por outra banda, os nenos e nenas do centro participarán ese mesmo mércores na celebración do día das letras galegas. Para este acto a escola creou un grupo de teatro, "Os Cuxiños", que poñerán en escena, a partir das 16.00 h, unha obra baseada no texto de Wenceslao Fernández Flórez, "El Bosque animado". O grupo de teatro o integran nenos e nenas de dous a catro anos.

O departamento de Servicios Sociais mantén aberto, ata o vindeiro venres, o prazo para se inscribir na cuarta Xuntanza da Terceira Idade organizada polo Concello de Arteixo.

Trátase dunha cita tradicional e xa consolidada xa que o Concello quere homenaxear ó colectivo de terceira idade nun acto de confraternización no que tamén participan veciños doutros concellos coruñeses.

O prezo, seis euros, inclúe o transporte, xantar e baile posterior ademais dun percorrido polo tradicional feirón e misa ó aire libre na área recreativa do Seixedo. A organización prevé unha participación masiva neste acto que xa se converteu en cita ineludible de primavera para os máis vellos de Arteixo e arredores.O ano pasado este encontro congregou a 1500 persoas. O Concello xa enviou invitacións a tódolos municipios da área coruñesa ademais doutros que tradicionalmente se suman a este evento como Carballo ou Cabana de Bergantiños.

As inscricións pódense formalizar no edificio de servicios sociais ou no Centro da Vellez da Baiuca.

Alumnos da rama de actividades deportivas ó aire libre, do ciclo medio de formación profesional poñen en práctica, mañá mércores oito de maio, o aprendido nos últimos meses nas clases de educación viaria.

Os alumnos percorrerán en bicicleta o núcleo urbano de Arteixo simulando unha saída con un grupo programado.

Na clase práctica preténdese potenciar hábitos de seguridade e coñecemento das normas de tránsito rodado. Os monitores responsables da actividade farán ver ós participantes os perigos cos que se poden atopar cando exerzan a súa actividade laboral, ( a titulación de FP faculta a monitores de actividades ó aire libre en bicicleta, a cabalo ou a pé).

O percorrido será guiado polo responsable de área de educación viaria do Concello.

O Concello de Arteixo convoca para os días 24, 25, e 26 de maio probas para a contratación, durante os meses de verán, de trinta e nove socorristas.

Os interesados deben de entregar, antes do día 22 de maio na base de protección civil (Polígono de Sabón, parcela 24), a documentación requirida para participar na selección: fotocopia do DNI, titulación de socorrista ou técnico en primeiros auxilios e currículo.

As probas, que o pasado ano superaron trinta e oito candidatos, consistirán na realización dun exercicio teórico, e dous prácticos, un en piscina e outro en mar aberto. Este último realizarase na praia de Barrañán e consistirá en percorrer 500 metros en carreira continua; nadar aproximadamente un quilómetro e novamente carreira continua durante 500 metros.

Os elixidos desenvolverán tarefas de salvamento entre o 15 de xuño e o 15 de setembro en tódolos areais de Arteixo. As súas funcións, dependendo da súa cualificación, consistirá na vixilancia da praia; vixilancia da costa en embarcación ou atención en posto de primeiros auxilios.

Os interesados poden acadar máis información no teléfono 981.64.14.14.

O alcalde de Arteixo Manuel Pose Miñones, presenta mañá, en Rolda de Prensa, o novo centro social do Concello en Uxes. O acto terá lugar ás 11.00 h no novo centro situado detrás da Capilla de Uxes. (pódese acceder ó mesmo por autovía ou pola carretera de Feáns).

O novo centro, primeiro dunha serie de edificios similares que o Concello pretende achegar a tódalas parroquias do municipio, o seguinte será o de Oseiro, supuso una inversión de dez millóns de pesetas para as arcas municipais.