Santaia

• Situación: Igrexario de Santaia
• Parroquia: Chamín
• Denominación: Igrexa de Santaia
• Cronoloxía: S.XII
• Estilo: Románico

A fábrica de pedra ben tallada, configura os muros desta pequena igrexa. Non sucede o mesmo ca parte da fachada na que varía a súa estrutura debido aos distintos engadidos que sufriu co paso do tempo. Ademais, na porta principal con arcos decorados que se sustentaban sobre un par de columnas rematadas en capiteis, destaca a pequena fiestra situada mesmo na cara posterior da ábsida rectangular.

Presenta as características das igrexas rurais románicas con posteriores reconstrucións. Na fachada presenta unhas arquivoltas e tímpano cunha cruz. Próxima ás súas inmediacións pasaba a vía romana que continuaba até Sisalde.