Escudo do Concello Correo Inicio

Festas e tradicións

Ver as últimas festas publicitadas na páxina web.

Case todos os meses, nalgunha parroquia ou lugar de Arteixo, teñen lugar celebracións na honra da súa patroa ou patrón, pero é nos meses de verán cando as celebracións festivas acadan o seu maior esplendor. Mención especial merecen a Festa das Flores (maio) que na súa orixe tiña lugar nun recinto privado e que hoxe en día se realiza polas principais rúas e vías de Arteixo; o Santiago (xullo) festa patronal por excelencia que conta ademais, desde 1997, co Concurso Hípico Nacional; a Sta. Eufemia (setembro), cita popular ineludíbel para os que queren sandar as súas xaquecas. Pastoriza é o lugar que marca a tradición para visitar en outubro e quen acoda a romaría deberá subir até o Berce da Virxe para cumprir coas tres voltas ás pedras, pasar por debaixo delas e bicar a imaxe da santa.

Concurso hípico
Concurso hípico

Calendario de Festas

MesFestaLugar
XaneiroSan TirsoOseiro
FebreiroSan BraisOseiro
MarzoSan GregorioSuevos
MaioFesta das FloresArteixo
Espírito SantoUxes
CorpusMonteagudo
XuñoSanto AntónLoureda
San PedroArmentón e Sorrizo
San XoánChamín e Morás
Romaría Pedra do AguillónO Rañal
XulloSantiago ApóstoloArteixo
Virxe da LuzOseiro
Virxe do CarmeLoureda e Suevos
Sta. MariñaLañas
Santísimo SacramentoBarrañán
San PaioSta. Icía
Festas de Santiago Apostol
Santiago Apóstolo

Feiras

MesFestaLugar
AgostoNosa SeñoraMeicende, Pastoriza e Loureda
San RoqueLarín
Os RemediosArmentón
San MamedeSorrizo
San RoqueMorás
SetembroSta. EufemiaArteixo
OutubroRomaría do San MiguelPastoriza
NovembroSan MartiñoSuevos

Nas rúas da vila e nos aledaños do río Bolaños celébrase todos os sábados pola mañá o Feirón Municipal, que foi concebido para dar a Arteixo un desenvolvemento económico, cultural e social que motive á cidadanía para achegarse ao núcleo urbano periodicamente.

No seu recinto sitúanse os postos dos feirantes con produtos procedentes do agro e outros produtos comerciais que abranguen distintos sectores: pan, froitas, verduras, roupa, calzado, flores, barro, madeira, animais, polbeiras, lácteos, etc.

Para complementar a actividade ordinaria organízanse feiras monográficas, onde se potencia un produto concreto e refórzase unha actividade sociocultural específica. As de máis sona son a Feira das Flores en maio e a Feira do Galo no Nadal.