TITULO III (INSTRUMENTOS DE EXECUCION)

1. Os Proxectos de Urbanización son proxectos de obras que teñen por finalidade levar á práctica, en solo urbano, a execución das obras de urbanización correspondentes, das Normas ou dos Plans Especiais de Reforma Interior que o desenrolen e dos Estudios de Detalle, conforme ós artigos 92 (S) do T.R., e 67, 68 do R.P.; e en solo apto para urbanizar a realización material das propias dos Plans Parciais.
2. As obras de urbanización a considerar no Proxecto de Urbanización, deberán incluir, as reseñadas no art. 155.1.a) (S) do T.R., as redes de gas, telefonía, e outras se así o estima oportuno o Concello, e terán que desenrolarse nos documentos seguintes, salvo que algún resultase innecesario, o cal deberá demostrarse:
   1. Copia oficial dos documentos do Plan ou Estudio de Detalle aprobado definitivamente, no que se basee o Proxecto de Urbanización que se pretende executar.
   2. Plano debidamente acotado, no que se fixen os límites da área afectada polo Plan, a cal se proxecta urbanizar, e no que se reflexarán a situación das obras, viais, parques, xardíns e demais espacios de uso público motivo de cesión ó Concello e os que queden en propiedade privada.
   3. Memoria resume que defina as características principais do conxunto e dos proxectos específicos parciais que integran o proxecto xeral, así como xustificación da participación pública.
   4. Proxecto específico ou capítulo independente para cada clase de obras ou servicios, que conterá:
      1. Memoria descriptiva do proxecto co detalle das solucións técnicas adoptadas, os criterios seguidos para cumplimentar os Regulamentos e Instruccións, e as Normas Municipais, os criterios xerais de cálculo, as características das obras, a conexión co exterior, os reaxustes con relación ás N.S., revisión de precios, presupostos, coordinación coas restantes obras de urbanización e que irá acompañada de anexos de cálculos xustificativos, características do proxecto e conformidade previa e expresa ós proxectos das instalacións no caso de que a execución, conservación ou explotación das mesmas dependan de organismos distinto do Concello.
      2. Planos de planta e dos perfiles lonxitudinais e transversais necesarios, así como os de detalle de cada un dos seus elementos e cantos sexan necesarios para definir concretamente as obras que se pretenden executar.
      3. Presupostos coas súas correspondentes medicións e cadros de precios.
      4. Prego de condicións técnicas e de condicións económicas e administrativas, nos que deberá fixarse os prazos e etapas de realización e recepción de obras, ademais de recoller as condicións e garantías que o Concello xulgue necesarias para a perfecta execución das obras, fixándose tamén que se farán a cargo do promotor as probas e ensaios técnicos que se estimen convenientes.
3. En todo caso, esixirase ós promotores unha garantía equivalente ó 100 por 100 do presuposto das obras proxectadas, mediante fianza en calquera das formas admitidas pola lexislación local, conforme ós artigos 58 a 62, 40 e 41 do R.X., ademais do pago das tasas municipais de obras correspondentes.
4. En xeral, non se permitirá a edificación en calquera parcela se non se cumpren os seguintes requisitos:
   1. Terse feito a urbanización das vías de acceso dentro do Polígono, e das exteriores de enlace cos restantes servicios xerais da cidade.
   2. Ter instalado os servicios mínimos que sinala o art. 70 do R.P., nas etapas da urbanización xeral, en que está incluída a referida parcela.
   3. Ter formalizado a totalidade das cesións, libres de cargas e gravámenes, fixadas nas Normas ou Estudio correspondente.
5. O Concello poderá esixir a ampliación do proxecto cando se considere indispensable para enlazar os servicios cos xerais da cidade.
6. Os Proxectos de Urbanización tramitaranse e aprobaranse conforme ás regras establecidas nos artigos 31 e 33 da L.S.G. Non obstante, cando se trate de proxectos parciais que non teñan por obxeto o desenrolo integral dunhas Normas Subsidiarias (N.S.), poderán seguir o trámite establecido para as obras municipais ordinarias, segundo precisa o art. 67.3 do R.P.

PROXECTOS DE EDIFICACION

1. Os Proxectos de Edificación, segundo o seu obxeto, integraranse nos seguintes grupos:
   1. Proxectos que teñen por obxeto as obras a realizar nos edificios.
   2. Proxectos que teñen por obxeto obras de derrube.
   3. Proxectos de nova edificación.

OBRAS DE NOVA EDIFICACION

1. De nova planta.- Son as de nova construcción sobor solares vacantes.
2. De ampliación.- Son as que incrementan o volume construído ou a ocupación en planta de edificacións existentes.
3. De sustitución.- Cando se levanta un novo edificio no lugar en que se derruba unha edificación existente ou parte dela.
4. De reconstrucción.- Cando se realiza a reposición, mediante unha nova construcción, dun edificio preexistente no mesmo lugar, total ou parcialmente desaparecido reproducindo as súas características morfolóxicas.

CONDICIONS XERAIS DOS PROXECTOS DE EDIFICACION

1. Os Proxectos de Obras de Edificación comprenderán Memoria descriptiva e xustificativa, Planos e Presupostos, e deberán redactarse coas características e detalle que require a debida definición das obras comprendidas, incluíndo, ademais, os complementos documentais específicos previstos no articulado seguinte para os distintos tipos de alza.
   1. Na Memoria describirase a obra ou instalación, así como a finalidade e xustificación da solución adoptada, poñéndose de manifesto o cumprimento das Normas Subsidiarias (N.S.).
   2. Os Planos de Emplazamento redactaranse sobor de copias da Cartografía Oficial. Os Planos de situación redactaranse, como mínimo, a escala 1/500 e con referencia a elementos urbanos e á parcelación e ordenación existente.
   3. Os Planos de Edificación faranse, como mínimo, a escala 1/100.
   4. Os apartados precedentes non serán de aplicación cando se trate de obras directamente relacionadas coa Defensa Nacional.
2. Aquelas actuacións que, pola súa natureza, ou menor entidade técnica, non requiran a presentación de proxectos completos, poderán prescindir dos documentos que non sexan necesarios para a especificación das obras a realizar, podendo as actuacións de menor entidade acometerse por simple comunicación ó Concello.

DOCUMENTACION COMPLEMENTARIA ESPECIFICA DOS PROXECTOS DE EDIFICACION

A solicitude de licencia de obras nos edificios, ademais dos elementos esixidos nas ordenanzas municipais, deberá ser acompañada da documentación seguinte:

1. Obras de Restauración.
   1. Descripción do marco referencial de orixe do edificio para o coñecemento das circunstancias en que se construiu, características orixinais e a súa evolución.
   2. Levantamiento a escala mínima 1/100 do edificio na súa situación actual (plantas, alzados exteriores e interiores, seccións, etc.) e das edificacións auxiliares e complementarias, así como as ampliacións de escala necesarias de detalles característicos.
   3. Descripción fotográfica do edificio no seu conxunto e dos seus elementos máis característicos, comparándoos coas do resultado final as zonas e elementos afectados.

   Cando as obras de restauración afecten a parte do edificio, poderá reducirse a documentación a aportar ás partes que se proxecta restaurar a á súa relación coa totalidade dos edificios e os seus efectos, se os houbese, sobor do ambiente urbano.

2. Obras de Acondicionamento ou de Restructuración.
   1. Levantamiento a escala mínima 1/100 do edificio na súa situación actual.
   2. Descripción fotográfica do edificio no seu conxunto e dos seus elementos máis característicos.
   3. Proxecto detallado das obras a realizar con cantos datos gráficos permitan valorar a situación final como resultado da execución das obras proxectadas.
3. Proxectos de derrubamento.
   1. Os proxectos de derrubamento incluirán testimonios fotográficos do edificio ou a parte do mesmo que vai ser afectada.
4. Obras de Reconstrucción.
   1. Se as obras de reconstrucción fosen dunha parte dun edificio, exporase no proxecto de reconstrucción de forma gráfica a relación coa parte na que se integra.
5. Obras de Ampliación.
   1. Levantamiento do edificio a escala mínima 1/100 na súa situación actual.
   2. Descripción fotográfica do edificio en comparación coas características do resultado final.