PONLLE O CHIP. PONTE O CHIP.

Investigacións recentes demostran que os animas de compañía proporcionan aos seus posuidores numerosos beneficios. Atendendo aos aspectos físicos tense comprobado unha reducción da presión arterial, un fortalecemento dos músculos, un aumento da mobilidade e a mellora dos problemas cardíacos. En canto aos aspectos psico - sociais os beneficios son a diminución da ansiedade e o estrés, a mellora dos estado de ánimo, a superación da depresión, o aumento da vitalidade e o interese pola vida. Asemade, facilita a interacción con outras persoas e estimula o dialogo.

Mais, a hora de adquirir un animal de compañía non so temos que ser conscientes das obrigas e prevencións que debemos adoptar, senón que tamén debemos estar seguros de que o noso ritmo de vida se adecúa perfectamente a nova vida co animal. Ademais, temos que ter en consideración outros aspectos como a lonxevidade ou o propio benestar do animal.


Entre os obxectivos que persegue a Campaña de Sensibilización sobre animais de compañía é o de concienciar aos posuidores para que cumpran a Ordenanza Municipal reguladora da posesión e custodia de Animais de Compañía, (BOP Nº 178, do día 04 de agosto de 2004), incidindo nas seguintes obrigas e prevencións:

• Mantelos en boas condicións hixiénico-sanitarias e realizar calquera tratamento preventivo ou vacinación que se declarasen obrigatorios, ou que sexan necesarias para o seu benestar ou para protexer a saúde pública
• Proporcionarlles a alimentación, a auga e os coidados que estean en consonancia coas necesidades fisiolóxicas e etolóxicas do animal.
• Non abandonalos.
• Os propietarios, criadores ou posuidores dos animais terán a obriga de identificalos, ben nos seus tres primeiros meses de vida ou ben no mes seguinte ao da súa adquisición.
• A identificación consistirá no implante dun micro - chip portador dun código alfanumérico.
• Inscribilos administrativamente no censo ou no rexistro municipal correspondente, despois da súa identificación.
• Adoptar as medidas precisas para impedir que ensucien as vías e espacios públicos de zonas urbana, debendo recoller os excrementos que os animais depositen na beirarrúas, vías e espazos públicos ou privados.
• Adoptar as medidas necesarias para que o animal non poida acceder libremente ás vías e espazos públicos ou privados.

SORTEO DE REVISIÓNS NAS CLÍNICAS VETERINARIAS


No ámbito desta campaña realizarase un sorteo de 6 revisións ordinarias a 6 animais debidamente inscritos no Censo Municipal de Animais de Compañía e no Rexistro Municipal de Animais Potencialmente Perigosos. Destas 6 revisións, 3 ás fará a Clínica Veterianaria Arteixo e as outras 3 a Clínica Veterinaria Travesía. O sorteo se realizará na Comisión informativa de Medio Ambiente do mes de maio e o modo e a forma do sorteo se determinará na mesma comisión. Entendese por revisión ordinaria no ámbito deste sorteo a acción de chequear ou examinar o animal para valorar o seu estado de saúde. Non será obxecto desta revisión ordinaria o tratamento de enfermidades ou lesións que o animal poida padecer.

Máis información: 981641815
www.arteixo.org